最新消息
高班設計活動 – 「安怡茶樓」展示會 |
- 高班設計活動 – 「安怡茶樓」展示會
高班設計活動 – 「安怡茶樓」展示會
29.5.2023
不一樣的家長觀課體驗 -「茶樓」設計活動展示會
「安怡茶樓」開幕啦！ 我哋自己設計咗邀請卡 ，請家長嚟學校一齊參加「茶樓」展示嘅設計活動。我哋先為家長演唱 「茶樓風味」歌曲，仲配合樂器 演奏添呀！爸爸媽媽睇完都拍爛手掌 要求encore！
之後我哋化身成為茶樓裡面嘅職員，好似侍應、知客、茶水員等等，家長都好有禮貌咁攞飛等入座。 入座後爸爸媽媽可以揀自己鐘意飲嘅茶 同埋用點心紙點餐。 最後仲欣賞我哋嘅青花瓷同茶畫藝術作品 。透過活動嘅過程，家長都能夠了解我哋嘅學習情況同埋成果，更加有機會參與其中，真係一次好難忘嘅家長觀課活動！